قضايا و حوادث نائب رئيس جمعية شمس يتعرض الى اعتداء أمني ويكشف
نشر في 17 أوت 2016 (13:15)
نشر نائب رئيس جمعية شمس أحمد بن عمر، تدوينة على صفحته بالفايسبوك، تحدث فيها عن المعاملة المهينة تعرض لها من طرف أعوان أمن قبالة سجن المهدية بعد أن أرغموه على النزول من سيارة "اللواج" التي كان يستقلها.
وقال بن عمر إن أعوان الأمن قاموا باهانته لفظيا بعد أن تفطنوا أنه ينشط في جمعية تدافع عن حقوق المثليين، ثم قاموا بالاعتداء عليه جسديا وألقوا به خارج السيارة في مكان خال، على حد قوله.
وجاء نص التدوينة كالآتي:
"بما اني مواطن عادي و من حقي اني نركب في النقل العمومي و الخاص .. في هذا الإطار خذيت لواج بش تمشي من المهدية لسوسة : حد لهوني الدنيا ربيع و الجو بديع و سعاد حسني و الفازات الكل ، لكن ماراعني الا انو الباريار متاع الحاكم إلى قدام حبس المهدية توقف اللواج . قال هاتو اوراقكم الكل و نقز بجنبي و قالي :
- غني عن التعريف سي شمس
-اسمي احمد بن عمر في الأوراق سيد العون كانك تشبه علي
-ايا اهبط سيد أحمد مايجيش تجينا لمحلنا و مانفرحوش بيك
و يتلفتلي اللواجيست يقلي اهبط خويا ما تعطلناش .
كيفي كيف الراجل المليح نهبط ، جاوني زوز اعوان امن ، ملخص حديثهم هو أنهم اكتشفوا اني نصدر في الشذوذ الجنسي و نعمل في فورماسيون لشواذ جنسيا في المهدية لإرضاء قاعدة جماهرية و بيت دعارة مرموق . و مبعد يجي واحد ثالث يقولهم
-أي دخلوه من عادي لغادي خلي المرابيط يتفرهدوا ، فرخ ضاوي ارطب و يشيخ
قلتلهم كان كملتو التورني متاعكم قولولي خليني نروح و يدزني واحد منهم يجيبني في القاعة .
نجبد تاليفوني بش نتكلم يجي يفكهولي و من بعد يركبني في الكرهبة و يشكمني بما تيسر من الهرسلة الجنسية بالماتراك متاعو و يطيشوني في بقعة خلا مخلي زيتون و سما طوابي هندي.
امن جمهوري؟"
